தீர்வு

 கெட்டன தொட்டிடின் கெட்டிடும் ஆற

விட்டிடின் வற்றிடும் தீர

                       -மதன் mat_thoughts

பொருள்:

ஒரு பிரச்சனையை தொடர்ந்து பேசிக்கொண்டோ அல்லது அதனை பற்றிய பரபரப்பை ஏற்படுத்திக் கொண்டோ இருந்தால் அது மேலும் பெரும் பிரச்சனையாகி விடும்

எனவே அதனை ஆறப்போடுவதன் மூலம் அந்த பிரச்சனையை முழுமையாக சரி செய்ய வழி கிடைக்கும்

இனியவை பல

இவ்வுலகே இனியது எனினும் அதனில் இனிதென சிலவற்றை குறிப்பிட்டுள்ளேன்

நாட்டில் நல்லன நாட்டல் இனிது

கேட்டல் ஏட்டில் ஏற்றல் இனிது

காண்பன கனிவென கருதல் இனிது

உண்மை துணிவுற உரைத்தல் இனிது

உள்ளன உள்ளூர ஒப்புதல் இனிது

கள்ளம் பேனா காமம் இனிது

நன்றி தீரா நரமே இனிது

நான்மறை நெகிழ நடத்தல் இனிது

முன்னோர் முன் நிறுத்தல் இனிது

முன்னும் பின்னும் நினைத்தல் இனிது

பொன்னும் பொருளும் அளத்தல் இனிது

இன்னும் வேண்டல் இழிதல் இனிது

சொல்லும் செயலும் பிணைத்தல் இனிது

எல்லாம் அறிவேன் அழித்தல் இனிது

கண்டன உண்டென உணர்தல் இனிது

உணர்ந்தன உயிரென பெயர்தல் இனிது      

                     -மதன் mat_thoughts

தவம்

 கானகப் பாணிநின் கண்தனை மூடி

வானகப் பார்வைநின் மனம்தனை நாடி

மனம்அது அடங்க உள்முகம் ஓடி

உனது ள்ளும் விளங்கும் அடிமுடி

                                       -மதன் mat_thoughts

பொருள்:

அடர்ந்த காடு போல் அமைதி நிலைக்கு வந்து உன் கண்களை மூடி பரந்த வானம் போல் உன் மனதின் பார்வையை விரித்து உன் மனமானது ஒரு அமைதி நிலையில் அடங்கிய பின் உன் ஆழ்மனதை நோக்கி அதனை செலுத்தினால் உனது உள்ளத்துக்கு இந்த பிரபஞ்சத்தின் தொடக்கமும் முடிவும் விளங்கும்

நினைவெங்கும் நீ

 காணும் இடமெல்லாம் காதல் - மனம்

தோணும் பொழுதெல்லாம் ஆதல் - அவள்

நாணும் நினைவுகளின் மோதல் - தினம்

வேணும் காதலில் சாதல்

               - மதன் mat_thoughts

தங்களால்

முக்கண் முதல்வரும் எந்தன் கூற்று

திக்கென திகழும் தாங்கள் ஏற்று

இக்கணம் வரையில் வணங்கிட தோற்று

திக்கிட நாணும் நான்இளம் நாற்று
        

                  -மதன்  mat_thoughts
      

பொருள்:

               எனது கண்கள் மட்டும் அறிவு கண்களால் நான் அறிந்து சொல்லும் கூற்றுகளை எனது அணைத்து திசைகளிலும் இருக்கும் நீங்கள் ஏற்று இந்த நிமிடம் வரை எனக்கு தரும் அன்பையும் ஆதரவையும் கண்டு திக்கி எதுவும் பேச முடியா நிலையில் நிற்கும் ஒரு இளம் நாற்று நான்.

பெண்

அண்டம் அதுகொண்ட திரு பால்

உண்ட துவை ஊட்டி தருவாள்

தீண்டகு தீயவள், சிறு உலகினுள்

வேண்டுதல் ஒன்றவள் வேர் ஊன்றல்


                                -மதன்   mat_thoughts


பொருள்:

அண்டம் அதுகொண்ட திரு பால்

இந்த அண்டத்தில் உள்ள பெருமைக்குரிய ஒரு பாலினம்

உண்ட துவை ஊட்டி தருவாள்

தான் உண்ட உணவை பாலை ஊட்டிக்குடுக்கக் கூடிய தாய்மை தகுதி பெரும் ஒரு இனம்

தீண்டகு தீயவள், சிறு உலகினுள்

வேலியற்று எவரும் தீண்டக்கூடிய ஒரு தீ போல இந்த சிறிய உலகில் உலவுகின்றவள்

வேண்டுதல் ஒன்றவள் வேர் ஊன்றல்


இந்த சிறிய உலகத்தில் அவள் வேண்டுகின்ற ஒரே வேண்டுதல் தனது சிறப்பையும் தனது பெயரையும் வேர் போல பதித்துச்செல்வதே

தெளிவு

ஊரார் பாட்டூ டுருவல் இயல்பு
தீரத் தேடில் உயர்வு

                -மதன்   mat_thoughts

பொருள்:

       ஊரில் உள்ளோர் சொல்லுவது எல்லாம் நமக்குள் மாற்றங்களை ஏற்படுத்துதல் இயல்பானது. அதனை முழுமையாக தேடித் தெரிந்துகொள்வதே உயர்வை தரும்.

அறம் அறிவோம்

கற்றல் விற்றல் கசடில் உண்டாம்

கத்தும் களவும் கருவே வேண்டாம்

கருணை கனிவு இறையுள் துண்டாம்

பெருமை பொறுமை பயத்த லுண்டாம்

நன்மை செய்ய நாற்திசை உண்டாம்

இன்மை செய்தல் இன்றே வேண்டாம்

பணிவுடன் பழகல் அகழல் வேண்டாம்

பறைந்தன பழிந்தன நினைந்திடல் வேண்டாம்


                         -மதன்  mat_thoughts


பொருள்:

கற்றல் விற்றல் கசடில் உண்டாம்

நாம் கற்றுக்கொண்ட அறிவை விற்று பிழைப்பது  தவறான செயல்

கத்தும் களவும் கருவே வேண்டாம்

பொய் சொல்லுதலும் திருடுவதும் நமது கருவிலிருந்தே நீக்கப்பட வேண்டும்

கருணை கனிவு இறையுள் துண்டாம்

கருணையும் கனிவும் இறைவனின் ஒரு அங்கமே

பெருமை பொறுமை பயத்த லுண்டாம்

பொறுமையானது பெருமையை உருவாக்கக்கூடியது

நன்மை செய்ய நாற்திசை உண்டாம்

நாம் நன்மை செய்ய நான்கு திசைகளிலும் வாய்ப்பு இருக்கிறது அதை பயன்படுத்த வேண்டும்

இன்மை செய்தல் இன்றே வேண்டாம்

பிறருக்கு துன்பம் விளைவிக்கும் செயலை இன்றே விட்டுவிட வேண்டும்

பணிவுடன் பழகல் அகழல் வேண்டாம்

பிறரிடம் பணிவுடன் பழகுதலை என்றும் விட்டுவிட கூடாது

பறைந்தன பழிந்தன நினைந்திடல் வேண்டாம்

நாம் சொன்ன சொற்களையும் செய்த தவறையும் நினைத்து கொண்டு மன வருத்தத்துடன் இருக்க வேண்டாம்

சிவாய நம

ஆதிப் பொருளாய் அமைந்தோன் போற்றி

ஆறாத் திறனில் நிறைந்தோன் போற்றி

பித்தன் பிறையான் பாதம் போற்றி

பிறைமதி கொண்டை கொண்டோன் போற்றி

நாவோர் பாடப் பெற்றோன் போற்றி

நீல கண்டன் நாமம் போற்றி

சித்தம் முழுதும் சிறைத்தோன் போற்றி

நித்தம் நின்னை நினைவேன் போற்றி

                            - மதன் mat_thoughts


பொருள் :

ஆதிப் பொருளாய் அமைந்தோன் போற்றி

முதல் கடவுளாகியவனே போற்றி

ஆறாத் திறனில் நிறைந்தோன் போற்றி

தீராத சக்தி உள்ளவனே போற்றி

பித்தன் பிறையான் பாதம் போற்றி

சுந்தரரால் பித்தன் என்று பெயர் சூட்டப்பட்டவரே போற்றி

பிறைமதி கொண்டை கொண்டோன் போற்றி

தனது தலைமேல் பிறை நிலா கொண்டவனே

நாவோர் பாடப் பெற்றோன் போற்றி

நாக்கு உள்ள அனைவரும் புகழ்ந்து பாடப் பெற்றவனே

நீல கண்டன் நாமம் போற்றி

நீலகண்டன் ஆகிய உன்னுடைய நாமம் போற்றி

சித்தம் முழுதும் சிறைத்தோன் போற்றி

எனது உயிர் முழுவதையும் தனது அருளால் சிறைபிடித்து வைத்துள்ளவனே போற்றி

நித்தம் நின்னை நினைவேன் போற்றி

ஒவ்வொரு நிமிடமும் உன்னை நினைத்து கொண்டிருப்பேன் போற்றி

உயிரணு உருவகம்

பலதிவன் பழிதனின் பதிவுரு பதியம்

பலம்பெரும் வழி,ஒளி உளதொரு இதயம்

வருவழி தெளிவுற திரிவுற எதையும்

வதைதரா வழியதில் வருவது சதயம்



பொருள் :

  இந்த மனிதனின் பல பிறவிகளில் செய்த பாவங்கள் செடியை பத்தியம் செய்து பாதுகாப்பது போல உயிரணு காத்துவைத்திருக்கிறது

  இதனை பொறுத்தே வாழ்க்கை நிகழும். அறிவுள்ள நல்ல இதயம் கொண்டவர்கள் வாழும் காலத்தில் தனது குணத்திற்கோ அல்லது மற்றவருக்கோ எந்த வகையிலும் துன்பமும் தொந்தரவும் தராதிருப்பின் அதுவே பாவத்தை போக்க நூறு சதவிகிதம் சரியான வழி


------------------------------------------------------------------------------------------------------------

உழைப்பில் உந்து

காலம் திகைக்கத் தாகம் கொண்டு

ஞாலம் அளக்கத் தேகம் உண்டு,

காயம் கடத்தி நியாயம் கண்டு

நீயும் நடக்கக் காண்பார் உண்டு


                                    - மதன்  mat_thoughts

பொருள்:

 எதிர்காலம் நம்மை கண்டு அதிசயிக்க வேண்டும் என்ற துணிவுடன் இந்த உலகத்தை அளக்கும் வலு நம் உடலில் உள்ளது

பல தடைகளை கடந்து நீ கற்றுக்கொள்ளும் அனுபவத்துடன் வெற்றி நடை போடுவதை காண இவ்வுலகில் பலர் காத்திருக்கின்றனர்

----------------------------------------------------------------------------------------------------------------------

உறுதி கொள்

மயக்கம் தொடுத்த மனதை விடுத்தது

தயக்கம் தடுத்து தளத்தை எடுத்து

தரத்தை உயர்த்து, தலையை நிமிர்த்து

உரத்தை நிறைத்து அகத்தை வளர்த்து

                                  - மதன்    mat_thoughts 


பொருள்:

மயக்கம் தொடுத்த மனதை விடுத்தது

மற்ற விஷயங்களின் மேல் உள்ள ஈர்ப்பை மனதிலிருந்து விளக்க வேண்டும்

தயக்கம் தடுத்து தளத்தை எடுத்து

உன்னுடைய பாதையை தேர்வுசெய்வதில் உனக்கு இருக்கும் தயக்கத்தை தூக்கி எரிந்து விட்டு சரியான பாதையை தேர்வு செய்

தரத்தை உயர்த்து, தலையை நிமிர்த்து

நீ தேர்வுசெய்த பாதையில் சென்று சிறந்து விளங்கி, உன்னுடைய தரத்தை உயர்த்தி, தலை நிமிர்ந்து வாழ வேண்டும்

உரத்தை நிறைத்து அகத்தை வளர்த்து

இப்படிப்பட்ட நல்ல விஷயங்களை மனதில் நிறைத்து நீ உன்னை வளர்த்திக்கொள்ள வேண்டும்

--------------------------------------------------------------------------------------------------------------------------

ஒட்டுண்ணி வகையரா

எனது பார்வையில் மனித இனத்தை பற்றிய ஆதங்கம்


சித்ததன் சொத்தெது மூத்தோர் மொழிந்தனர்

அத்தகை சித்தர்கை அறம்அவை அடைந்தன

எத்திசை தடையில்லை நிறைபுகழ் அடைந்தன

இத்தலை முறைவரை அவைதனை மொழிந்தனர்


அருபெறும் அறிவினை அறமுடன் அளித்து 

பெருமனம் பெருமையை புலமையில் ஒளித்து

வருவன செழிவுற வாழ்வினை கழித்து 

அருளினர் அனுதினம் அகமதை விழித்து


அறிவெனும் அருகடல் அருவிகள் அழிந்தனர்

அறிவிலி அறிவினர் அகம்உள்ள அளவினர்

கறைநிரை மனதினர் புகழ்பெரு நகையினர்

சிறையினில் செழிப்புடன் ஒட்டுண்ணி வகையினர்


புரிவது விடுத்து புலனது கெடுத்து

பரிவினை தடுத்து போரினை தொடுத்து

பகைமை வடித்து பழிதனை குடித்து

பழகுதல் விடுத்து பாரினை நடத்து

                                  - மதன்    mat_thoughts 

என்னை கடத்து

எனது சொந்த வாழ்வில் எனக்கு ஏற்பட்ட கசப்பான அனுபவங்களை மனதில் வைத்து எழுதியது

இறைவா !!!

தாயவள் பாசத் தினைமுதல் குடித்து

தந்தை தன்உடல் உயிர்தனை வடித்து

தலையன் தகுதி எந்தன் இடத்து 

தவறிய பிழைப்புஏன், என்னை கடத்து


                                    - மதன்  mat_thoughts


பொருள்:


தாயவள் பாசத் தினைமுதல் குடித்து

நான் வீட்டுக்கு முதல் மகன் என்பதால் என் தாயின் பாசத்தை முதலில் நான் பெற்றேன்

தந்தை தன்உடல் உயிர்தனை வடித்து

எனது தந்தையின் உழைப்பு எனது வளர்ச்சிக்கு பயன்பட்டது

தலையன் தகுதி எந்தன் இடத்து 

தவறிய பிழைப்புஏன், என்னை கடத்து

அப்படி இருக்கையில் வீட்டுக்கு தலை மகன் ஆகிய நான் அதன் கடமையிலிருந்து தவறி பிழைக்கும் நிலை ஏன்?  என்னை இந்த நிலையிலிருந்து நகர்த்திச்செல் இறைவா!!

--------------------------------------------------------------------------------------------------------------

வேண்டுகிறேன்

செய்வினை சீர்பெரல் நிகழ்கவே-என்

சொல்அது நிறம்நலம் புகழ்கவே-இச்

சிரம்அதன் கனம்கரைந் திகழ்கவே-என்

சினம்அது இடம்இழந் தகழ்கவே-இச்

சித்துஅதன் பித்துஅது விலகவே-என்

சிவன்அவன் உள்நின்று ஆழ்கவே

                                    - மதன் mat_thoughts 


பொருள்:

செய்வினை சீர்பெரல் நிகழ்கவே 

நம் வாழ்க்கையில் செய்த செயல்களின் விளைவுகள் தீர்ந்து வாழ்க்கை நல்ல முறையில் இருக்க வேண்டும்

என் சொல்அது நிறம்நலம் புகழ்கவே

நான் பேசும் சொற்கள் நல்ல சொற்களாக அமையவேண்டும் 

இச் சிரம்அதன் கனம்கரைந் திகழ்கவே

இந்த தலைக்கனம் என்பது கரைந்து நல்ல அறிவை பெறவேண்டும்

என் சினம்அது இடம்இழந் தகழ்கவே

என்னுடைய கோவத்துக்கு நான் இடம் தரக்கூடாது

இச் சித்துஅதன் பித்துஅது விலகவே

இந்த உயிரினத்தின் பைத்தியக்கார செயல்கள் விலகவேண்டும்

என் சிவன்அவன் உள்நின்று ஆழ்கவே

மேற்கண்ட அனைத்தையும் வழங்கி என்னுடைய சிவன் என் மனதை ஆழவேண்டும்

நற்தமிழே

எத்திசை போயினும் இத்தசை துடிக்கும்

பத்தினிப் பதத்தினில் பாரினை வடிக்கும்

அத்துணை அருமை அனைத்தும் படிக்கும்

அத்திரு மனதின் அழுக்கினை குடிக்கும்

முத்தமிழ் பழகிடும் திடம்உனில் வெடிக்கும்

அத்தினம் முதலே பித்தும் பிடிக்கும்


                             - மதன் mat_thoughts


பொருள்:

எத்திசை போயினும் இத்தசை துடிக்கும்

தமிழினை தாய்மொழியாக கொண்டவர்கள் எந்தத்திசை சென்றாலும் அவர்க்ளின் மூலம் தமிழ் வாழ்ந்துகொண்டுதான் இருக்கும்

பத்தினிப் பதத்தினில் பாரினை வடிக்கும்

ஒரு பத்தினியின் கண்காணிப்பில் ஒருகுடும்பம் எவ்வளவு சிறப்பாக இருக்குமோ அந்த அளவுக்கு இந்த உலகை தமிழில் உள்ள கருத்துக்கள் மாற்றி விடும்

அத்துணை அருமை அனைத்தும் படிக்கும்

அத்திரு மனதின் அழுக்கினை குடிக்கும்

தமிழ்மொழியில் உள்ள அணைத்து விஷயங்களையும் படித்து அறிந்தால் அந்த மனதில் இருக்கும் கேட்ட எண்ணங்களை தமிழ் மொழி நீக்கிவிடும்

முத்தமிழ் பழகிடும் திடம்உனில் வெடிக்கும்

அத்தினம் முதலே பித்தும் பிடிக்கும்

தமிழில் உள்ள இயல் இசை நாடகம் மற்றும் அதில் உள்ள நல்ல கருத்துக்களை எல்லாம் கற்று தெரிந்து விட்டால் சராசரி மனிதரின் பார்வைக்கு அவர் பைத்தியம் போல் காட்சியளிப்பார் ஏன்யென்றால் சராசரி மனிதரின் வழக்கை அவ்வளவு மோசம் ஆகிவிட்டது

அன்புக்கு நன்றி

அன்றோ இந்நாள் எடுத்தேன் பிறப்பு

என்றோ எந்நாள் அடுத்து இறப்பு

வாழ்வுஅது சுகம்பெற தங்கள் தரப்பு

வழங்கிய வாழ்த்தினில் எந்தன் சிறப்பு


                                       - மதன் mat_thoughts 

பொருள்:

அன்றோ இந்நாள் எடுத்தேன் பிறப்பு

அன்று இதே நாளில் நான் பிறந்தேன்

என்றோ எந்நாள் அடுத்து இறப்பு

எப்போதோ எதோ ஒரு நாள் அடுத்து என் இறப்பு வரப்போகிறது

வாழ்வுஅது சுகம்பெற தங்கள் தரப்பு

வழங்கிய வாழ்த்தினில் எந்தன் சிறப்பு

இதற்கிடையிலான என்னுடைய வாழ்கை நன்றாக இருக்கவேண்டும் என்பதற்காக நீங்கள் என்னை வாழ்த்தியதில் தான் நான் உங்களுக்கு எவ்வளவு முக்கியமானவன் என்பது எனக்கு தெரிகிறது

நடைமுறை விளக்கம்

பொய்மை பரப்பப் பாடும் யுகம்

உயர்மை அமைந்த அற்பர் சகம்

அறம் அழிந்திட்ட நாட்டின் அகம்

ராகம் ஒழிந்திட்ட கானம் சுகம்


நல்வழி நடக்கும் நரனவன் நோக்கம்

பல்தொழிற்ச் சிந்தை பழகிடுந் தாக்கம்

புல்லினப் போக்கில் பொருந்திய தூக்கம்

வெல்வது நிகழ்வதில் புதுயுக ஆக்கம்


                                    - மதன் mat_thoughts 



பொருள்

பொய்மை பரப்பப் பாடும் யுகம்

உண்மையை பரப்புவதை விட பொய்மையை பரப்பவே இந்த உலகம் குறிக்கோளாக உள்ளது

உயர்மை அமைந்த அற்பர் சகம்

உயர்ந்த அறிவுடன் படைக்கப்பட்ட உள்ள முட்டாள் சகமனிதர்கள்

அறம் அழிந்திட்ட நாட்டின் அகம்

ஒழுக்க நெறிமுறைகள் அழிந்துவிட்ட நாட்டின் உள்ளே

ராகம் ஒழிந்திட்ட கானம் சுகம்

ராகமே இல்லாத பாட்டு கூட சுகமாத்தான் இருக்கும்

நல்வழி நடக்கும் நரனவன் நோக்கம்

நல்ல வழியில் தன் வாழ்க்கையை நடத்தும் மனிதனின் நோக்கம்

பல்தொழிற்ச் சிந்தை பழகிடுந் தாக்கம்

பல தொழில் பற்றிய அறிவு ஏற்படுத்தும் தாக்கம்

புல்லினப் போக்கில் பொருந்திய தூக்கம்

பறவை இனம் போன்ற சோம்பேறித்தனம் இல்லாமை

வெல்வது நிகழ்வதில் புதுயுக ஆக்கம்

மேற்கண்டவை வெற்றி பெறுவதில் தான் ஒரு புதிய உலகின் தொடக்கம் இருக்கிறது

சிறைத்தவளே

நண்பர் ஒருத்தருக்காக அவரின் தோழியை மையமாக வைத்து எழுதப்பட்ட கவிதை

முழுநில வடுத்து அமைந்தவள் உனையே

ஆழ்கடல் கடந்து எடுத்ததன் இணையே

காலம் தொடுத்த கணைகளின் வினையே

களைப்பு எடுக்கும், கதிர்முகம் துணையே

சிந்தை சிறைத்துச் சென்றாய் எனையே

சிதறச் செய்வாய் சிகரத் தினையே

                                 - மதன் mat_thoughts 



பொருள்:

முழுநில வடுத்து அமைந்தவள் உனையே

அந்த பெண் பௌர்ணமிக்கு பிறகு பிறந்தவள்

ஆழ்கடல் கடந்து எடுத்ததன் இணையே

ஆழ்கடல் கடந்து எடுக்கும் முத்துக்கு இணையான அழகு கொண்டவள்

காலம் தொடுத்த கணைகளின் வினையே
களைப்பு எடுக்கும், கதிர்முகம் துணையே

தன் வாழ்வில் வரும் கேட்ட காலங்களை சூரியன் போன்ற பொலிவான சிரித்த முகத்துடன் எதிர்கொள்வாள்

சிந்தை சிறைத்துச் சென்றாய் எனையே

எனது சுயநினைவு முழுதும் உன்னிடம் சிறைப்பட்டுவிட்டது

சிதறச் செய்வாய் சிகரத் தினையே

உன் சாதனை சிகரம் தாண்டி பரவும்

சங்கத்தமிழே

பேரொன்றே போதும் பெருமிதமே உருவாய்

வேரொன்றே போதும் வரலாற்றின் வருவாய்

இனஇலக்கணம் தமிழே தரம் தருவாய்

இனிசனி இல்லை இனிதே கரைவருவாய்

                                              - மதன்   mat_thoughts

பொருள்:

பேரொன்றே போதும் பெருமிதமே உருவாய்

சங்கத்தமிழின் என்ற பெயரை கேட்டாலே நமக்குள் ஒரு பெருமித உணர்வு உண்டாகும்

வேரொன்றே போதும் வரலாற்றின் வருவாய்

அதன் வரலாற்று ஆழம் தான் தற்போதைய வரலாறுக்கு தேவையான அனைத்தையும் தந்துகொண்டிருக்கிறது

இனஇலக்கணம் தமிழே தரம் தருவாய்

இந்த இனத்திற்கான அடையாளத்தை ஆதாரத்துடன் நீதான் தரவேண்டும் தமிழே

இனிசனி இல்லை இனிதே கரைவருவாய்

இனி கெட்ட காலம் இல்லை, கடலினுள் மூழ்கிய சங்கத்தமிழின் வரலாறு வெளியே வரவேண்டும்